पोलीस ठाणे आष्टी यांच्या कडुन सन 2014 पासुनचा 187 दारुबंदीच्या गुन्ह्यातील मुद्देमाल नष्ट करण्यात आला 

बीड/प्रतिनिधी 

मा . पोलीस अधीक्षक यांच्या आदेशाने जिल्ह्यातील विविध पोलीस ठाण्यामधील गुन्ह्यातील मुद्देमाल निर्गती मोहिम सुरु आहे . या मोहिमे अंतर्गत पोलीस ठाणे आष्टी येथे सन 2014 पासुन प्रलंबीत असलेला 1000 / -रूपये पेक्षा जास्त किंमतीचा दारूबंदी गुन्ह्यातील देशीविदेशी दारूचा 133 गुन्हयांचा मुद्देमाल बऱ्याच दिवसा पासुन मुद्देमाल गृहा मध्ये पडून होता . सदरचा मुद्देमाल ज्या गुन्ह्यांमध्ये जप्त होता त्या गुन्ह्यांच्या कोर्ट समरी हस्तगत करून मा.न्यायालयाच्या आदेशा प्रमाणे सदर मुदेमाल नष्ट करण्यासाठी राज्य उत्पादन शुल्क बीड यांना पत्र व्यवहार केला . त्यानुसार अधीक्षक राज्य उत्पादन शुल्क , बीड यांचे सदर मुद्देमाल नष्ट करणे बाबत आदेशाचे पत्र प्राप्त झाल्याने दिनांक 22.12.2020 रोजी पोलीस ठाणे आष्टी येथे राज्य उत्पादन शुल्क चे अधिकारी व कर्मचारी हजर येऊन सर्व मुदेमाल दुरक्षेत्र कडा येथील मोकळया पटांगणा मध्ये दोन पंच व राज्य उत्पादन शुल्क अधिकारी व कर्मचारी तसेच पोलीस ठाणे आष्टी प्रभारी अधिकारी पोलीस निरीक्षक श्री.सलीम चाऊस तसेच पोलीस ठाणे आष्टी येथील क्राईम मोहरीर पोना / 1497 केदार व त्यांचे मदतनीस पोशि / 404 अडागळे यांनी दिलेल्या आदेशा प्रमाणे योग्य ती तजविज ठेऊन मुद्देमाल नष्ट करण्यात आला आहे . तसेच 1000 / - रु . पेक्षा कमी किंमतीचा दारुबंदीच्या 54 गुन्ह्यातील मुद्देमाल उपविभागीय पोलीस अधिकारी , आष्टी यांची परवानगी घेवून आष्टी पोलीस ठाणे येथे नष्ट करण्यात आला आहे . सदरची कामगीरी वरिष्ठांच्या मार्गदर्शनाखाली पोलीस निरीक्षक श्री.सलीम चाऊस , क्राईम मोहरीर पोना / 1497 केदार व त्यांचे मदतनीस पोशि / 404 अडागळे यांनी केली आहे .