अजून उजाडत नाही या नाटकाने रसिकांची जिंकली मने

नाट्य स्पर्धा : एकापेक्षा एक नाटकांची रसिकांना मेजवानी  

बीड / प्रतिनिधी

महाराष्ट्र शासनाच्या सांस्कृतिक कार्य संचालनालयामार्फत बीड शहरातील यशवंतराव चव्हाण नाट्यगृह येथे महाराष्ट्र राज्य हौशी मराठी नाट्य  स्पर्धा सुरु आहे.

या स्पर्धेच्या प्राथमिक फेरीत एकूण ११ नाट्यसंस्था सहभागी झालेल्या आहेत. या स्पर्धेत मंगळवारी अजून उजाडत नाही हे नाटक सादर झाले.  या नाटकाने रसिकांची मने जिंकून रसिकांना स्थब्ध  केले. दरम्यान रसिकांनी नाटकांचा आनंद घ्यावा असे आवाहन सांस्कृतिक कार्य  संचालनालयाचे संचालक बिभिषण चवरे यांनी केले आहे.

       महाराष्ट्र शासनाच्या सांस्कृतिक कार्य मंत्री अमित विलासराव देशमुख यांच्या पुढाकाराने ही स्पर्धा संपन्न होत आहेत. कलाकारांना हक्काचे व्यासपीठ मिळावे त्यांच्या सुप्त कलागुणांना वाव मिळावा.  त्या कलागुणांमधून व्यक्तिमत्व विकास घडून आणावा. नाट्यकलेचा प्रचार व प्रसार सर्वस्तरातून करावा. सांस्कृतिक वातावरण तयार व्हावे हा उद्देश ठेवून शासन राज्य नाट्य स्पर्धेचे आयोजन गेली 59 वर्षापासून करत आला आहे. यावर्षी 60 व्या वर्षात राज्यनाट्य स्पर्धा पोहोचली आहे. आपण या स्पर्धेचा आस्वाद घेण्याकरिता व कलावंतांना प्रोत्साहित करण्याकरिता सर्व रसिक प्रेक्षकांनी उपस्थित राहावे असे आवाहन  सांस्कृतिक कार्य संचालनालयाचे संचालक बिभिषण चवरे, बीड नाट्य स्पर्धेचे समन्वयक म्हणून मुकुंद धुताडमल यांनी केले आहे. दरम्यान मराठी नाट्य स्पर्धेत मंगळवारीअजून उजाडत नाही हे नाटक सादर झाले. सर्वोदय शिक्षण कला अकादमी  यांनी सादर केलेल्या अजून उजाडत नाही  या नाटकाने रसिकांची मने जिंकली. या नाटकाचे लेखक सुरेश गोसावी  दिगदर्शक अरुण सरवदे यांनी उत्तम प्रकारे दिगदर्शन करून नाटकाची उंची अजून वाढविली आहे. एकंदरीत अजून उजाडत नाही  हे नाटक रसिकांच्या मनात घर करून गेले.