काळाचा घाला....भरधाव कार उलटली; माय-लेकीचा जागीच मृत्यू पाच जण गंभीर जखमी..

धुळे सोलापूर राष्ट्रीय महामार्गावरील सौंदलगाव फाट्यावरील दुर्घटना

लिंबाच्या झाडाला हि कार आदळली लिंबाचे झाड हि तुडले

शहागड प्रतिनिधी 

संभाजीनगर येथील नातेवाईकांना, भेटून लातूरकडे निघालेल्या भरधाव कारवरील चालकाचे एका वळणावर  नियंञण सुटल्याने कार सरळ रस्त्याच्या खाली जाऊन चार पाच पलट्या खाल्याने झालेल्या या दुर्घटनेत कारमधील माय-लेकीचा जागीच मृत्यू  झाला तर पाच जण जखमी झाले. त्यात चौघांची प्रकृती गंभीर असल्याने त्यांना तातडीने छ.संभाजीनगर येथील खासगी दवाखान्यात उफचारार्थ दाखाल करण्यात आले.ही दुर्घटना धुळे सोलापूर राष्ट्रीय महामार्गावरील  डोणगाव दर्गा ता.अंबड जवळील   सौंदलगाव फाट्यानजीक सोमवारी दि,१८ सकाळी नऊ वाजेच्या दरम्यान घडली.रोहिणी अमर चव्हाण वय (३२) आणि नुरवी चव्हाण वय (३) असे मृत्यूमुखी पडलेल्या   या मायलेकीचा नाव आहेत. या अपघाताविषयी अधिक माहिती अशी की, लातूर येथील अमरदीप बाबूराव चव्हाण, वय ( ४०) व रोहिणी अमरदीप चव्हाण वय (३०) हे दांपत्य नौकरीनिमित्त अमेरिकेत स्थायिक आहे.दरम्यान अलीकडच्या  भारत पाकिस्तान युद्धामुळे ते काही दिवसांची सुटी घेऊन भारतात परतले होते.तसेच  छत्रपती संभाजीनगर (स्पंदन नगर)येथे त्यांचे बंधू प्रदीप चव्हाण यांचेकडे पाच - सहा दिवस मुक्कामी थांबून समोमवारी सकाळी ते कुटुंबियासमवेत कार (क्रमांक :एम एच २० सी एस ४४२२) ने आपल्या गावी लातूर  येथे नातेवाईकांना भेटण्यासाठी चालले होते.दरम्यान धुळे सोलापूर महामार्गावर डोणगाव दर्गा ता.अंबड जवळील  सौंदलगाव फाट्यावर येताच कारचा भीषण अपघात झालाय. वळणावर चालकाचे नियंत्रण सुटल्याने कार  रस्त्याच्या खाली जाऊन उलटली अन् भीषण अपघात झाला. या अपघातात रोहिणी अमर चव्हाण वय (३२) आणि नुरवी चव्हाण  या दोघी मायलेकीच्या डोक्याला जबर मार लागल्याने त्यांचा घटनास्थळीच मृत्यू झाला तर  कारमधील अमर बाबुराव चव्हाण वय( ४७), प्रदीप बाबुराव चव्हाण वय (४५), विश्रांती प्रदीप चव्हाण वय (४०) कमलबाई बाबुराव चव्हाण वय (६०) आणि  रुद्रांश प्रदीप चव्हाण वय (२) हे इतर पाच जण गंभीर जखमी झाले आहेत.अपघात घडताच महामार्गावरील वाहन धारकांनी वाहाने थांबवून अपघातग्रस्तांना मदत कार्य केले.तसेच या दुर्घटनेची माहिती पाचोड येथील कल्याण टोलनाक्यावरील रुग्णवाहिकेला कळविला असता त्यांनी तातडीने घटनास्थळी धाव घेत जखमींना पाचोड ता.पैठण,येथील,शासकीय ग्रामीण रुग्णालयात दाखल केले असता उपस्थित  वैद्यकीय आधिका-याने तपासून रोहिणी  चव्हाण आणि नुरवी चव्हाण या मायलेकीला तपासून मयत घोषित केले तर उर्वरीत जखमींवर प्राथमिक उपचार करुन छ.संभाजीनगर येथील खासगी दवाखान्यात हलविण्यात आले.या अपघाताची नोंद गोंदी पोलिस ठाण्यात करण्यात आली पुढिल तपास उपनिरीक्षक किरण हावले,पो.का.दिपक भोजने हे करीत आहे.